ചെന്നൈ: ഫിറ്റ്നസ് ദിനചര്യകൾ കൃത്യമായി പാലിക്കാൻ പ്രയാസപ്പെടുന്നവർക്കായി ലളിതമായ അഞ്ച് പൊടിക്കൈകളുമായി ഫിറ്റ്നസ് കോച്ച് രാജ് ഗൺപത്. വ്യായാമത്തിൽ കഠിനാധ്വാനത്തേക്കാൾ പ്രധാനം സ്ഥിരതയാണെന്ന് 18 വർഷത്തിലേറെ പരിചയസമ്പത്തുള്ള രാജ് ഗൺപത് വ്യക്തമാക്കുന്നു. ഇൻസ്റ്റാഗ്രാമിൽ പങ്കുവെച്ച വീഡിയോയിലൂടെയാണ് അദ്ദേഹം ഈ നിർദ്ദേശങ്ങൾ നൽകിയിരിക്കുന്നത്.
മടിയോ തിരക്കോ എന്തുതന്നെയായാലും വ്യായാമത്തിനായി ദിവസവും സമയം കണ്ടെത്തുക എന്നതാണ് ഒന്നാമത്തെ വഴി. വ്യായാമ വേളയിൽ തോന്നുന്ന താൽപ്പര്യക്കുറവ് വകവെയ്ക്കാതെ ആദ്യം ജിമ്മിലോ വ്യായാമ സ്ഥലത്തോ എത്താൻ ശ്രമിക്കുക. അവിടെയെത്തിയാൽ കുറഞ്ഞത് 10 മിനിറ്റെങ്കിലും ലഘുവായ വ്യായാമങ്ങളോ നടത്തമോ ചെയ്യുക. ആ 10 മിനിറ്റിനു ശേഷം വേണമെങ്കിൽ നിങ്ങൾക്ക് തിരികെ പോകാം, അതിൽ കുറ്റബോധം തോന്നേണ്ടതില്ല. എന്നാൽ ഈ ചെറിയ തുടക്കം പോലും വലിയ മാറ്റങ്ങളുണ്ടാക്കും.
ഓരോ ദിവസത്തെ വ്യായാമം കഴിയുമ്പോഴും അടുത്ത ദിവസവും ഇത് ആവർത്തിക്കുമെന്ന വ്യക്തമായ തീരുമാനമെടുക്കുക. കൂടാതെ, ഓരോ വ്യായാമത്തിനുശേഷവും നിങ്ങളുടെ ശ്രമങ്ങളെ അഭിനന്ദിക്കാനും ചെറിയ സമ്മാനങ്ങൾ നൽകാനും മടിക്കരുത്. ഈ അഞ്ച് കാര്യങ്ങൾ കൃത്യമായി പാലിച്ചാൽ വ്യായാമം ജീവിതശൈലിയുടെ ഒരു ഭാഗമായി മാറ്റാൻ സാധിക്കുമെന്ന് രാജ് ഗൺപത് പറയുന്നു.
